O concurso recentemente celebrado de microtomografía
(MicroCT meeting 2013) otorgou a España, máis concretamente á Universidade de
Granada o premio de recoñecemento mundial á mellor imaxe tomada a nivel
microscópico, neste caso pertencente á anatomía dunha mosca común.
O profesor de zooloxía, Javier Alba Tercedor obtivo a
instantánea grazas a un microtomógrafo Skyscan 1172, que permite ter resolucións
de 1.4 micras por píxel. Esta técnica permite o estudo de exemplares valiosos
sen producirlles ningún dano nin alterar os resultados das mostras.
O dono desta prodixiosa imaxe explica, que o proceso resulta
complexo, xa que é necesaria a obtención de miles de radiografías, para as cales
se coloca o animal nunha plataforma xiratoria que vai tomando as radiografías
cunha cadencia que varía segundo a calidad que se desexe obter.
Como media, as fotografías son tomadas cada 0.1 grados, o que
significa que tras unha volta haberanse conseguido 1800 imaxes, que posteriormente
serán procesadas cun software especial.
Este proxecto abriulle moitas portas ao profesor, que actualmente
traballa en distintas investigacións relacionadas coa zooloxía, entre as que
poderíamos destacar o estudo de ovos de insectos cuxa lonxitude é inferior a unha décima de milímetro.
Ademáis, engade, esta técnica abre a posibilidade de estudar
o interior de cualquer animal sen necesidade de diseccionalo, o que suporía un
gran avance para a ciencia.