Expansión gasesosa das xóvenes galaxias

Algunhas galaxias chocan e únense formando sistemas maiores, pero existe outro método menos violento que tamén provoca a súa expansión: trátase de galaxias xóvenes que absorben cantidades de gas frío, de hidróxeno e helio, que atravesaba o Universo primitivo e que serviu como material para a formación de novas estrelas. Un equipo de investigadores do Instituto Max Planck de Astronomía na cidade alemá de Heidelberg e o “Observatorio Europeo Austral” (ESO) descubriu este fenómeno basándose en observacións realizadas co Very Large Telescope (VLT), que opera en Chile.

Os resultados do VLT son a primeira proba directa de que a secreción de gas ocurriu realmente nas galaxias primitivas e que desencadeou unha extensa formación de estrelas e a mesma expansión de galaxias masivas no Universo xoven. Estas foron sorprendidas no mesmo momento no que se estaban alimentando de gas, que, como xa se citou anteriormente, empregan para a formación de novas estrelas.

Para saber algo máis
Lucía Rodríguez Rodríguez 1º Bacharelato B

Colisión entre dous asteroides.

A comezos do 2010 o telescopio Hubble detectou entre Marte e Xupiter o que parecía ser un cometa. Despois de cinco meses de comprobacións resultou ser o choque de dous asteroides, segundo publicou a revista Nature. No traballo participou Rafael Rodrigo, do Instituto de Astrofísica de Andalucía (CSIC), en Granada. xunto con investigadores do Instituto Max Planck en Katlenburg-Lindau (Alemaña) e a Universidade de California en Los Ángeles (EEUU).

Os datos aportados pola investigación indican que a principios de 2009 un asteroide de entre tres e cinco metros de diámetro chocou con outro de maior tamaño a unha velocidade duns 18.000 quilómetros por hora. A cola do que parecía ser un cometa na realidade sería os restos da colisión, que se mantivo brillante durante varios meses.
Para saber máis.

Uxía Rodríguez Rodríguez 1º Bacharelato .

Premio nobel de química 2010

O Nobel de Química 2010 foi para Richard F. Heck (1931), Ei-ichi Negishi (1935) e Akira Suzuki (1930). Polo desenvolvemento dun novo e eficaz procedemento para a creación de enlaces carbono-carbono entre diferentes moléculas, mediante reaccións catalizadas por paladio. Estas reaccións, que se empezaron a desenvolver entre os anos sesenta e setenta do pasado século, son actualmente imprescindibles na síntese química moderna.

As reaccións desenvolvidas por estes científicos levaran a industria a producir fármacos máis eficaces e materiais con novas propiedades mecánicas, ópticas, magnéticas e/ou electrónicas.
Para mais informacion
Feito por Érika López Carballo 1ºbacharelato A

Videoxogo

Descarga gratuita dun videoxogo sobre acelula.
Xa me diredes que vos parece...
Espero comentarios eu non teño nin idea de como se xoga. http://www.kokori.net/~kk/content/descarga

Carmen (a profe)

Nobel 2010 á "A fecundación in vitro"

O premio Nobel de Fisioloxía e Medicina deste ano foi concedido a Robert G. Edwards, que desenvolveu a técnica da fecundación in vitro (FIV) e revolucionou o tratamento da esterilidade a través das terapias de reprodución asistida.

O premio, tardou en chegar. Fai xa 33 anos que Bob Edwards desenvolveu a técnica e foi capaz de demostrar que o embrión humano podía ser fecundado in vitro (FIV) e, tras a súa implantación, dar lugar ao nacemento dun neno ou nena san. Calcúlase que ata hoxe máis de catro millóns de cativos naceron grazas á FIV. Edwards e Steptoe non o tiveron doado nos seus inicios. Non recibiron apoio financeiro debido ás serias dúbidas éticas e científicas que a técnica que propoñían levantou entre os seus colegas. Hoxe en día a FIV é unha técnica que se utiliza de forma rutineira no tratamento da esterilidade en todos os países desenvolvidos, tanto en centros públicos como privados.Trátase dun tratamento médico consolidado que a sociedade entende, acepta e utiliza.
Feito por María Isabel Limia Pérez 1ºB Bacharelato