domingo, 4 de mayo de 2014

Obtención de células cerebrais a partir de células nai dentais


O achado de que as células nai extraídas dos dentes poden desenvolverse e dar lugar a células que presentan apariencias moi similares ás de células cerebrais suxire que poderían ser utilizadas algún día no cerebro como terapia para os danos causados por derrames cerebrais.

Constatouse que a partir desas células nai é posible obter outras similares a neuronas e que ademais forman redes complexas mediante interconexións entre elas. Estas células aínda non son neuronas perfectas, os investigadores cren que é só cuestión de tempo e de condicións axeitadas que iso se produza.
As opcións de tratamento dispoñibles para as persoas que sofren os efectos dos derrames cerebrais son limitadas. O principal tratamento farmacolóxico dispoñible debe ser administrado nas primeiras horas tras o infarto cerebral, e os pacientes non sempre o reciben a tempo. Por outra parte, algúns danos son difíciles ou imposibles de reparar só mediante medicamentos.
Poder utilizar as propias células nai do paciente para unha terapia cerebral adaptada á persoa e ao seu caso particular presenta moitas vantaxes, incluíndo a de que non se xeran os problemas de rexeitamento. Outra vantaxe é que podería proporcionar unha opción de tratamento factible meses ou mesmo anos despois de que aconteza o derrame.

A obtención de células cerebrais a partir da polpa dental conséguese proporcionando un ámbito para as células que sexa o máis parecido posible ao do cerebro normal, de maneira que en vez de converterse en células dentais se convirtan en células cerebrais.

A la izquierda, una de las células similares a neuronas normales. A la derecha, estas células parecidas a las cerebrales son capaces de formar redes complejas entre ellas, como se aprecia en la imagen.




Alba Álvarez Pacios, nº1 1ºBACH. A

Os neandertais non eran estúpidos

Os neandertais foron os únicos europeos durante centos de miles de anos e desapareceron pouco despois de que os nosos antepasados chegaran ao Vello Continente.

Existe a crenza de que esta extinción neandertal está ligada a unha intelixencia inferior, o cal segundo o recente estudo da Universidade de Colorado en Boulder é falso.

Os investigadores repasaron as comúns explicacións da extinción, tales como que os neandertais non eran capaces de utilizar comunicación simbólica complexa, que eran cazadores pouco eficientes e utilizaban armas inferiores ás dos homes modernos e mais que a sua dieta alimenticia era moi limitada.

O resultado desta resultou ser sorprendente xa que desmentiu tódolos prexuizos. Nos restos dos asentamentos neandertais atopáronse evidencias de que cazaban en grupo o que implica que eran capaces de planificar as súas accións, preparar estratexias de grupo e mesmo aproveitar as vantaxes do entorno.
Noutras mostras arqueolóxicas, como restos de comida atopados xunto ás fogueiras evidénciase que gozaban dunha dieta moi diversa. Tamén se cre que levaban a cabo complexos rituais culturais, xa que atoparon ocre, un tipo de pigmento que serve como pintura corporal, isto indica a existencia da comunicación simbólica.

Xustifican os errados prexuizos que se formaran dicindo que os investigadores non estaban comparando os neandertais cos seus contemporáneos que vivían noutros continentes senón cos seus sucesores.
Pero xa que a súa capacidade cognitiva e mais tecnoloxía non eran inferiores. Por que non sobreviviron?

Barállanse as posibilidades da desaparición, os estudos xenéticos din que se mezclaron cos humanos modernos e isto podería mermar a súa fertilidade. Outras investigacións din que vivían en grupos moi pequenos e que ambos factores puideron contribuir á desaparición da especie.

Fontes: http://www.abc.es/ciencia/20140501/abci-neandertales-eran-estupidos-201404291407.html

Pilar Veloso Trigo 1ºBach C