Avance en células nai contra a infertilidade masculina

Recreación do espermatozoide

Un dos ámbitos de investigación científica máis prestixiosos e con maiores resultados é o estudo das células iPS, células nai pluripotentes (capaces de crear calquera tipo de tecidos) creadas polo Nobel Yamanaka. O último avance, feito por científicos de universidades de Estados Unidos, consiste na creación de células xerminais (precursoras de espermatozoides) en testículos de ratón a partir de células somáticas de homes estériles. 

O experimento consistiu en tomar células somáticas (pel) de cinco homes para transformalas en células nai pluripotentes (iPS), tres tiñan unha enfermidade que lles impide producir espermatozoides (Azoospermia) e os outros dous eran fértiles. Unha vez estiveron nos testículos, as células iPS transformábanse en células nai espermatoxénicas, e ainda que estas sexan menos células xerminais ca dos homes fértiles, sí que da esperanza para que nun futuro esta enfermidade non sexa un impedimento para ter fillos. 

Esquema de obtención de células iPS

As células nai iPS pódense conseguir grazas á reprogramación de células somáticas adultas utilizando factores de transcripción (Proteínas que regulan á expresión dun xen) e son unha liña moi importante de investigación actual pois serán o futuro da medicina en humans. "O uso de células nai servirá para diagnosticar defectos das células xerminais", afirma Renee Reijo, investigadora do Instituto de Células nai e Medicina Rexenerativa da Universidade de Montana (EEUU). "Ten un gran potencial para persoas con problemas xenéticos para a producción de espermatozoides".

Pero tamén pide precaución, pois segundo di: "Todavía non se pode levar a cabo, pois non temos ningun dato sobre a seguridade destas células". A comunidade científica seguirá investigando sobre as aplicacións das células nai, co fin de chegar a realizar medicina rexenerativa en seres humans o antes posible. 

Estades de acordo coa precaución antes de usar estas novas células?

A investigación con células iPS é importante cara o futuro?

Fontes de información:

• http://www.elmundo.es/salud/2014/05/01/53615b1822601d7d128b457f.html
• http://www.abc.es/salud/noticias/20140502/abci-regeneran-espermatozoides-celulas-madre-201405011403.html
• http://es.wikipedia.org/wiki/Shin'ya_Yamanaka

David Boó - 1º Bach A.