Científicos xaponeses piden a retirada do seu último estudio sobre células nai

Haruko Obokata, principal autora

Este estudio aseguraba a posibilidade de obter células embrionarias introducíndoas nun entorno moi ácido e aplicando presión sobre as súas membranas. Despois da publicación deste traballo, outros laboratorios inténtarono reproducir pero foron incapaces de lograr os mesmos resultados.

O artigo fora publicado na prestixiosa revista Nature que decidiu  por baixo investigación o traballo do Instituto Riken, un dos centros máis punteiros a nivel mundial en materia de células nai.

Os científicos afirman que a base do estudio non se ve afectada polo momento e que esperan poder volver a presentar a investigación unha vez correxidos os erros.

Este artigo recórdabos a algun dos requisitos dunha investigación científica?

Fontes:

http://www.elmundo.es/salud/2014/03/10/531e0223268e3edd2f8b4588.html

http://www.diariolavoz.net/2014/03/11/japon-pide-investigar-fondo-el-ultimo-estudio-sobre-celulas-madre/

Fátima Rodríguez Delgado, 1ºBach D

A replicación das bacterias de fai 4.000 millóns de anos

As bacterias foron partícipes do proceso no cal a materia inorgánica deu lugar á vida. A súa estrutura actual, con ADN e parede celular, é a base das células dos seres vivos máis desenvolvidos. Unha das estruturas máis complexas das nosas células, as mitocondrias onde se sintetizan as moléculas que conteñen a enerxía (ATP), atribúese a  un tipo de simbiose entre unha bacteria maior e unha menor que ó integrarse formaría as mitocondrias tal e como o explicou Lynn Margulis, bióloga estadounidense clave na teoría do evolucionismo.

          Pero fai millóns de anos as bacterias non eran igual que hoxe. Os microorganismos primitivos carecían de parede celular e proteínas.

        O feito de que algunhas bacterias carezan de parede celular na actualidade, suxire que esta estrutura protectora que teñen case todas, foi unha adquisición evolutiva. Nalgúns casos bacterias normais volven ó seu estado primitivo, o que nos permite ver cómo eran fai millóns de anos.

        Tamén carecían das proteínas necesarias para a súa división. As encimas (que son proteínas) son a base para realizar todos os procesos celulares. Sen embargo as bacterias de aqueles tempos tiñan que se reproducir.

Investigadores da Universidade de Newcastle publican en Cell a súa explicación de cómo se replicaban. Non seguían parámetros biolóxicos, senón físicos. Dun modo semellante a cando unha pompa de xabón divídese en dous ó alcanzar unha determinada relación entre volume e superficie, as bacterias ó alcanzar a suficiente presión no volume do seu interior dividíanse. Os científicos conseguiron gravar imaxes, un pouco aceleradas, do máis parecido ó que ocorría fai 4.000 millóns de anos.

            Aínda que o vídeo estea en inglés, as imaxes son moi ilustrativas.

PREGUNTAS
1. Aquí se fala sobre as bacterias de fai 4.000 millóns de anos pero, cómo se reproducen actualmente as bacterias? E cómo se replica o seu ADN?
2. Cómo se chama a teoría que defende Lynn Margulis ante o evolucionismo?
3. O texto di que a vida apareceu a partires da materia inorgánica. Quen foi o primeiro que comprobou mediante un experimento que esta afirmación, ou polo menos parte dela?

FONTE DE INFORMACIÓN:

http://sociedad.elpais.com/sociedad/2013/02/28/actualidad/1362072660_373635.html

Iago Rodríguez Peña 1º BACH A

A cuádrupla hélice do ADN

En 1953, Francis Crick e James Watson revolucionaron a investigación xenética cun achado co que acadaron o Premio Nobel de Medicina en 1962: a estrutura de dobre hélice da molécula de ADN, a macromolécula que contén toda a información xenética transmitida de célula a célula e de xeración en xeración. Agora, sesenta anos despois, a historia do ADN segue escribíndose. Investigadores da Universidade de Cambridge afirman que o xenoma humano contén tamén estruturas de cuádruplas hélices.

Estudos anteriores, realizados só en experimentos “in vitro”, anticipaban a existencia desta cuádrupla hélice, o que era considerado coma unha curiosidade. O Instituto de Investigación de Cambridge logrou, por primeira vez, demostrar a existencia destas estruturas complexas en células humanas vivas, tras máis de 10 anos de investigación.

O estudo mostra unha relación clara entre as estruturas de catro febras e o proceso de replicación do ADN, esencial para a división celular. O equipo británico sabe que estas hélices cuádruplas están máis presentes en xenes de células que se dividen con maior rapidez, como as células canceríxenas.

Un dos membros do equipo sinala que en base a este descubrimento poderíase atrapar o ADN con moléculas sintéticas, “secuestralo” e estabilizalo, un dato moi importante sobre cómo poder deter a división celular nesta clase de células. Engade que moitos tratamentos actuais do cancro xa atacan o ADN, pero non está claro cales son as regras que seguen, nin en que parte do xenoma reaccionan. 

Este achado abre novas posibilidades para unha nova xeración de tratamentos de cancro, aínda que, dende o meu punto de vista, deixa moitas incógnitas no referente       á definición formal e funcional desta novidosa estrutura. 

FONTES DE INFORMACIÓN

http://sociedad.elpais.com/sociedad/2013/01/21/actualidad/1358774434_632779.html

http://www.abc.es/ciencia/20130121/abci-descubren-cuadruple-helice-201301201758.html

http://www.lacronica.com/EdicionEnLinea/Notas/CienciayTecnologia/21012013/662008.aspx

Iago Rodríguez Peña 1º BACH A

Novas pistas sobre a orixe da vida na Terra

En todos os seres vivos actuais a información xenética almacénase no ADN. O ARN desempeña un papel activo para copiar esta información e permitir a síntese de moléculas activas no organismo, as proteínas. Con todo, os científicos cren que un mundo de ARN precedeu ao actual, no que o ADN domina as formas de vida.
O ARN está formado por tres tipos de moléculas: un azucre (ribosa), un grupo fosfato e unha base nitroxenada. Segundo a maioría dos científicos estos tres tipos de moléculas deberon aparecer de forma separada na Terra primixenia e logo formarían cadenas de ARN. Pois ben, está hipótese pudo ser probada nun traballo recentemente publicado na revista Nature. John Sutherland e os seus colegas la Universidad de Manchester (Reino Unido), publicaron como a partir da combinación de ditas moléculas puido aparecer o ARN sen a axuda de enzimas, grazas aos raios ultavioletas e ao fosfato. Para elo provocaron reaccións químicas en modelos de ambientes xeolóxicos como os que deberon existir na primitiva Terra.
Na mesma revista nun segundo estudo, o equipo de Edward DeLong, do MIT (EEUU) explican a presenza de pequenas moléculas de ARN atopadas directamente no plancton das profundidades oceánicas, onde para algúns científicos debeu suceder a orixe da vida.
NOEMI BASALO AÑEL 1º BACHILLERATO E

FONTE DE DOCUMENTACIÓN
http://www.elmundo.es/elmundo/2009/05/13/ciencia/1242205127.html

O CSIC pide axuda para seguir traballando na vacuna contra o VIH

Os primeiros datos son, se cadra, mellores aínda cós demáis produtos en experimentación a día de hoxe: unha vacuna desenvolta polo CSIC incita ás defensas do noso organismo e podería ensinar ao sistema inmune a loitar contra o VIH. Desde este punto todo o demáis está aínda por facer, por esto mismo esta institución pide axuda e apoio para seguir traballando e estudando a vacuna, xa que polo que vai, está a ser financiada polo fondo público. Qué demostraron ademáis de ser totalmente efectiva en ratos e macacos tras xa dez anos de investigación? Que xera un 90% de resposta inmune: é capaz no 90% de entrenar ao sistema defensivo dunha persoa sana a que aprenda a detectar e loitar contra o virus.

As probas consisten básicamente en introducir catro xenes do VIH B en cantidades xustas para que esperte unha reacción no organismo pero que non produza unha infección, o cal garante a seguridade.

Foi probado en 30 voluntarios, a 24 dos cales se lles implantaron 3 doses da vacuna e aos 6 restantes, un placebo. Nos vacunados observouse unha resposta defensiva ao longo dun ano, mentres que nos que recibiron placebo, non se observou efecto algún.

"De momento, o único que sabemos é que induce ás defensas e que é segura, xa que non houbo efectos secundarios graves, pero ata aí. Non podemos saber aínda si será eficaz para evitar a infección. Para eso debemos seguir traballando" , explicaba Felipe García, un dos investigadores do Hospital Clínic de Barcelona.

O seu propósito agora é comezar a fase II, cuxa finalidade é ver si é efectiva e en qué doses, o cal estaría rematado nun prazo optimista de cinco anos.

Fot.: Un macrófago(cél. inmune) no centro superior sendo atacado por partículas do VIH








Para ver a noticia completa, clickade aquí

Andrea Fernández

Adelgazar bebendo cervexa????

Mandáronme hoxe por correo un arquivo titulado como adelgazar bebendo cervexa. Seguro que o alumnado de Bioloxía poderán atopar o erro. Estamos case de vacacións pero Mª José e máis eu cremos que podedes, aínda, facer un pequeno esforzo... ollo as notas finais non están postas... asi que vos esperamos en comentarios, lerémolos todos.

Metodo adelgazante

View more documents from iesotero.

Ciencia na cociña: pataca a prezo de carne?

Traballo realizado por María Bermejo Fernández

Ciencia na cociña: denaturalización das proteínas do leite

Traballo realizado por Mirian Álvarez Dapena 1º Bacharelato B

Repasando os Ácidos nucleicos

Na materia de Bioloxía estamos estudando as moléculas da vida (despois da noticia do arsénico, diremos da vida que coñecemos). Neste post deíxovos uns vídeos e enlaces das moleculas responsables da xenética molecular.
Para o alumnado que non teña a Bioloxía como optativa tamén será interesante que os vexan, porque pronto en CMC, empezaremos a estudar o tema dedicado a Biotecnoloxía.
Ao final do post tedes un enlace a un xogo para sintetizar proteínas.

Estructura do ADN

Replicación do ADN



Tradución ou síntese de proteínas

Transcrición ou síntese de ARN



Transcripción en flash



Transcriba e traduza vostede mesmo

Editado por Carmen Cid Manzano

Almacenan 90XB de datos... nunha bacteria!

O aumento de datos e contidos obriga á procura de novos métodos de almacenamento cada vez máis pequenos. Científicos chineses foron máis alá e non só conseguiron iso, se non que a nova fonte de almacenamento son agora bases biolóxicas.

Investigadores da Universidade China de Hong Kong deron despois de 8 anos de intensos experimentos cunha nova forma de codificación de datos que admite a súa redución de tamaño de forma espectacular, xa que puido ser introducida en forma de ADN modificado, chegando a almacenar 90 XB dentro dunha bacteria.

Futuras aplicacións

Vendo que o segredo está no sistema de recompilación, preven que poderán gardar ata 2TB en escasos gramos de bacterias, e grazas ós seus avances, as súas aplicacións poderían variar dende o almacenamento de contidos dixitais ata a inserción de códigos de barras en organismos sintéticos: “Cremos que isto podería ser un estándar industrial para a manipulación a gran escala do almacenamento de datos nas células vivas”, explicaban os responsables do proxecto.

Para máis información fai click aquí

Editado por Andrea Fernández Novoa 1ºBach B

Os minerais e as rochas como catalizadores da vida

Case todos os científicos actuais consideran que a unión das moléculas orgánicas sinxelas para formar moléculas orgánicas complexas non puido ter lugar coma propuña Oparin. É dicir, os polímeros biolóxicos parace que non foi probable que se formanse no seo do caldo primitivo, senón que se deberon sintetizar e acumular na superficie das arxilas. As arxilas, son rochas sedimentarias, que deberon de actuar como biocatalizadores atraendo e concentrando na súa superficie ás moléculas sinxelas e facilitando a súa polimerización.

Recentemente unha hipótese sobre a orixe da vida suxire que os espazos que quedan entre as láminas da mica puideron ofrecer os lugares axeitados para a síntese prebiótica.

Editado por: Carmen Cid Manzano

Lípidos e saúde

En clase de Bioloxía estamos falando dos lípidos. Para completar o traballo de aula vou deixarvos uns vídeos e animacións que vos poderán axudar a comprender a relación entre estas biomoléculas e a saúde.

Máis cerca do control da infección do VIH

Un modelo da proteína HLA B, clave para o control doVIH.

Chamámoslle controladores de elite ás persoas infectadas polo VIH que non chegan a desenvolver o SIDA e manteñen unha carga viral case indetectável sen tomar ningún tipo de medicamento. En España son ao redor de 500 os afortunados.

Moitos científicos levan tempo intentando atopar o motivo polo cal estas persoas son resistentes a esta infección na que a outras persoas actúa debilitando as súas defensas, ata o punto de ocasionarlle a morte se non están sometidos a un severo medicamento.

Un estudio a desvelado os catro marcadores xenéticos, que fan que esas persoas sexan “resistentes” ao VIH. Atópanse no cromosoma 6 onde se cofidica o HLA B.

Un investigador recoñece que o que hai que facer agora é recoñecer o detectores dos xenes identificados e asegura así que un químico podería crear unha molécula a cal os bloqueara.O desenvolvemento de fármacos que fagan que os linfocitos se activen e non deixen que o VIH se replique. O que sería moi útil para o desenvolvemento das vacinas e terapias xénicas contra o VIH.

Máis información.

Andrea Gerpe Acosta, 1º Bacharelato A

As buckybolas poden ser a orixe da vida

Estas moleculas de carbono apareceron inesperadamente en grandes cantidades dentro da Vía Láctea e nunha galaxia cercana.

O pasado mes de xullo, o telescopio Spitzer da NASA descubriu nunha nebulosa planetaria un raro fenómeno que nunca antes fora achado no espazo. Detectou moléculas de carbono con forma de balón de futbol e con propiedades únicas.

O asombro foi tan grande que os científicos expuséronse que era algo anecdótico e que simplemente tiveran sorte ó atopalas. Pero non, estas esferas de carbono son moi abundantes.

O Spitzer atopounas ao redor de tres estrelas moribundas na Vía Láctea e preto dunha cuarta nunha galaxia, onde hai tantas que a sua masa equivale a quince lúas como a nosa.

Isto servirá para a comprensión da formación da Terra.

As implicacións deste descubrimento son de gran alcance. Os científicos especularon no pasado coas buckybolas, as cales poden actuar como cestas para moléculas e átomos, e poderían ter transportado substancias á Terra para o inicio da vida. As probas para esta teoría proceden do feito de que se encontraron buckybolas en meteoritos que portan gases extraterrestres.

Na Terra, o estudo destas moléculas aplícase á investigación en fármacos, supercondutores, dispositivos ópticos e potabilización de auga, entre outros exemplos.

Máis información: http://www.abc.es/20101028/ciencia/asombrosas-cantidades-buckybolas-aparecen-201010281346.html

Feito por: Ana Pérez Pérez,1º Bacharelato A.

Movemento da auga ao traves dunha membrana semipermeable

Nun experimento vimos como se comportaba un ovo en medios hipertónico, hipotónico e isotónico. Noutro comprobamos como o proceso de ósmose ten lugar nas células vivas. Nesta animación estudaremos o fundamento do proceso da ósmose.

Editado por Carmen Cid Manzano

Animación sobre a auga para os amantes da Bioloxía molecular

Na seguinte animación podedes ver a polaridade da molécula de auga e os enlaces por pontes de hidróxeno que se forman entre elas.
Queres saber o que ocorre cando se disolve sal en auga? preme aqui.

Repasade as propiedades da auga vendo esta animación no idioma da ciencia, o inglés.

Editado por Carmen Cid Manzano

Experimento con patacas

Outro experimento de osmose desde Pakistan, esta vez con patacas. É un experimento moi sinxelo e moi interesante que demostra que a ósmose prodúcese en tecido vivo.Simplemente necesitamos unha pataca crúa, unha pataca cocida, un coitelo, un par de recipientes, auga e sal. A preparación non é laboriosa, nin precisa moito tempo, pero o proceso é lento e hai que esperar ata dúas horas para ver os resultados.


Editado por Carmen Cid Manzano

Experimento con patacas

Outro experimento de osmose desde Pakistan, esta vez con patacas. É un experimento moi sinxelo e moi interesante que demostra que a ósmose prodúcese en tecido vivo.Simplemente necesitamos unha pataca crúa, unha pataca cocida, un coitelo, un par de recipientes, auga e sal. A preparación non é laboriosa, nin precisa moito tempo, pero o proceso é lento e hai que esperar ata dúas horas para ver os resultados.


Editado por Carmen Cid Manzano

Ósmose

Despois de ver o vídeo, explica o que lle pasa ao ovo.




Editado por Carmen Cid Manzano

Auga. Propiedades da auga V

Ósmosis