Nestes últimos días estamos coñecendo feitos que nos poñen os pelos de punta como é o caso de Diego Martínez Santos, un investigador galego ao que se lle negou un contrato Ramón y Cajal o mesmo día que a Sociedade Europea de Física o premiaba como mellor investigador mozo de Europa. Como se pode entender isto? Parece ser que el non daba a media necesaria para logralo polo que me pregunto que, se el non dá a media, quen a dá? Dá a impresión de que neste país sobra talento investigador. Nas nosas universidade fórmanse os mellores profesionais que , visto o visto, teñen que saír fóra, ou sexa emigrar, para que se lles recoñeza o que valen e iso despois do que custou a súa formación. Porque polo visto isto non é unha excepción senón todo o contrario. A este caso súmanse o de José Manuel Castro Tubío, investigador do Sander Institute en Cambridge ou o da toxicóloga Ana de Castro, entre outros moitos.
Os recortes en educación, becas e investigación (o programa de Ramón y Cajal pasou de 350 prazas hai anos e de 250 na convocatoria anterior a 175 na última). Non fai falta ser moi listo para decatarse de que queda fóra xente dun nivel altísimo e que son outros países os que se aproveitan deles.
Tampouco hai que ser moi listo para decatarse de que están hipotecando o noso futuro e o do noso país.
Pero canto tempo tardarán en caer na conta os nosos “brillantes” polícos? e se xa caeron, porque non fan nada?...
Brais Casas Fernández
1 comentario:
Nuria Martí é outro exemplo de científicoa emigrantes, "en año y medio, Nuria Martí (1979) ha pasado de ser una más del centenar de víctimas del expediente de regulación de empleo (ERE) que sacudió y ha dejado a medio gas al Centro de Investigación Príncipe Felipe (CIPF) de Valencia a tener el honor de ser la cuarta firmante del artículo del año en investigación biomédica, publicado por Cell el miércoles, que describe la obtención de células madre embrionarias clonadas de un adulto."
http://sociedad.elpais.com/sociedad/2013/05/16/actualidad/1368732350_102095.html
Publicar un comentario