Entérate, a ciencia tamén é cultura: FRACTURA POLO FRACKING

domingo, 19 de mayo de 2013

FRACTURA POLO FRACKING

Este fin de semana numerosas localidades españolas vivirán movilizacións contra o "fracking". A febre pola extracción de gas "non convencional" desatou o debate entre os que se mostran a favor e en contra da polémica técnica da fractura hidráulica. Sociedade, ecoloxistas, expertos e políticos posicionanse. As intencións da industria chocan coa forte contestación social.

Os impulsores do fracking utilizan a dependencia enerxética do exterior como xustificación para a súa actividade. España, cunha dependencia enerxética exterior de máis do 80%, ten unha enorme vulnerabilidade nese sentido. Nembargantes, o certo é que os derradeiros gobernos de España despreciaron a nosa principal fonte de enerxía: o sol. Namentras as enerxías renovables son unha alternativa segura e limpa, o fracking exponnos a altos riscos para a saúde e o medio ambiente.

Perigos do fracking:

-Riscos durante a perforación: Riscos de explosión, escapes de gas, escapes de ácido sulfhídrico e derrumbes da formación sobre a tubería.

-Contaminación de acuíferos: Posibilidades de que unha das fracturas inducidas alcance un acuífero, contaminando a auga cos fluídos da fracturación e co propio gas da formación que se pretende extraer.

-Contaminación do aire: Moitos destes aditivos son volátiles pasando á atmósfera directamente. Por outro lado para o acondicionamento e inxección na rede de suministro, unha cantidade deste gas, pasará á atmósfera por escapes. Este é un gas de efecto invernadoiro moito máis potente que o propio CO2.

-Terremotos: Constatouse un aumento da sismicidade coincidindo cos periodos de fracturación hidráulica.

-Ocupación do terreo: Solen perforar de 1,5 a 3,5 plataformas por km2, cunha ocupación de 2 hectáreas por cada unha, o que supón un gran impacto paisaxístico. O periodo de ocupación de cada un destes pozos é dependendo da riqueza enerxética do subsolo variable entre 5 e 7 anos.

-Especulación económica: Deixase entrever unha gran forza dos lobbies enerxéticos estadounidenses para vender o producto.

EEUU é o verdadeiro motos e exportador desta técnica e o que está impulsando a súa expansión no resto do mundo. Noutros países a situación legal está como segue: En Europa xa se declararon moratorias ou prohibicións ó fracking, como por exemplo en Francia, Bulgaria, Irlanda, Rumania, Chequia, ou algúns estados alemáns. Noutros coma Austria, impóñense límites ambientais moi severos para o uso da técnica. En EEUU, onde están usando ampliamente a fractura hidráullica desde hai unha década, a oposición popular está moi extendida tras comprobarse os perigos reais desta técnica.