O exceso da hormona do estrés provoca perda de memoria

O estrés ten consecuencias visibles, como a baixa de defensas ou a perda de sono. Sen embargo, tamén existen consecuencias a nivel celular e cerebral que poden afectar gravemente á nosa saúde e rendemento a longo prazo. Un recente estudo realizado polo Centro de Investigación Biomédica en Rede de Enfermidades Raras (CIBERER) e o Hospital Sant Pau demostrou, por primeira vez en humanos, que un exceso de cortisol (a hormona do estrés) reduce considerablemente a materia gris na zona do hipotálamo do cerebro, provocando a perda de memoria.

O estudo estivo baseado en resonancias magnéticas aplicadas a pacientes afectados polo síndrome de Crushing, unha enfermidade rara na que o propio organismo produce un exceso de cortisol. As persoas sometidas a este estudo estaban xa curadas e, aínda así, observouse que se producira unha redución da materia gris nesa zona cerebral, o que provocaba perdas de memoria.

Este trastorno neuronal explícase porque diminúe o metabolito N-acetilaspartato (o que indica que a materia gris está danada) e aumentan o glutamato e a glutamina (o que demostra que a materia branca do cerebro crece como mecanismo de compensación). O feito de que os pacientes estivesen curados demostra que o dano causado pola hormona do estrés é irreversible.

A relación entre esta patoloxía e a perda de memoria xa se estudara anteriormente en animais, pero nunca en humanos. Este estudo abre novas vías de investigación como comprobar os danos que produce o estrés crónico diario ou facer un seguimento dos pacientes que se tratan con altas doses de fármacos glucocorticoides, como a cortisona, xa que imitan a acción do cortisol.

Fontes de información:

http://elperiodico.com/es/noticias/ciencia/exceso-hormona-estres-causa-perdida-memoria-2381064

Antía Quintana Gallego, 1º BACH A