Efervesciencia, programa de Ciencia na Radio Galega

Efervesciencia volve ás ondas da Radio Galega. Podedes escoitalo os sábados de 16 a 17 horas. No blog http://ww2.crtvg.es/mu/efervesciencia/ están colgados os podcast dos programas e seccións. recomendámosvos que os oscoitedes. Que vos parece se incluímos os que maís nos interesen no noso blog?

Editado por: Carmen Cid Manzano

Un paso máis cara a enerxía de fusión

O contrato para a maior pieza do ITER, o reactor de fusión que se constrúe en Cadarache ( Francia). O traballo quedou asignado a unha agrupación de entidades italianas chamada MWR cun orzamento de 300 millóns de euros. A empresa creará 7/9 do total do núcleo do reactor, onde se realizara a fusión do hidróxeno. Ás restantes partes quedaran encargadas á Corea do Sur e a parte interior quedará para hindúes e rusos.O núcleo, á esquerda, estará feito dun aceiro inoxidable especial, mide 13 metros de altura x 6,5

metros de ancho x 6,5 metros de profundidade e pesa 5.000 toneladas. Pero a complexidade do núcleo non reside nos materiais senón na gran cantidade de soldaduras e a precisión destas. A pesar do cal houbo un gran progreso dende a aparición da idea en 1986. Este núcleo é o símbolo de traballo de científicos rusos, europeos americanos e xaponeses. Nel se realizarán as esperadas reaccións de fusión que pretenden facer funcionar unha nova fonte de enerxía limpa, renovable, e dun poder enerxético inmenso. Se espera que cara o ano 2016 se poda producir a primeira reacción e cara o 2022 que opere con total normalidade.

Juan Ozaita Corral, 1º Bacharelato A

Para máis información

http://www.elpais.com/articulo/sociedad/mayor/pieza/reactor/ITER/marcha/elpepusoccie/20101014elpepusoc_11/Tes

http://www.iter.org/

Gran Telecopio de Canarias

Traballo realizado pola alumna Susana Primo. Neste vídeo Susana cóntanos: onde está localizado o GTC, as súas características, o por que esta situado nas illas Canarias e cales son os seus obxectivos. Espero que o vexades, xa me diredes que vos parece...

Un gran descubrimento...

Científicos de tres centros de investigación -un francés, outro suízo e outro portugués- descubriron por primeira vez un planeta que, polas súas características de temperatura e composición, pode ser habitable para os nosos parámetros e atópase relativamente próximo á Terra, este planeta recibe o nome de GL581C.

Imaxes do planeta GL581C

O planeta está a 20,5 anos-luz da Terra, e xira ao redor dunha estrela anana vermella, a Gl581, unha das cen máis próximas ao noso sistema solar que está situada na constelación de Libra


Segundo os modelos utilizados polos investigadores do CNRS, a temperatura sitúase entre 0 e 40 graos celsius, compatible coa presenza de auga líquida na súa superficie.

O planeta ten unha masa moi débil que permite imaxinar unha constitución ben rochosa, ben cuberta por un océano, como na Terra, e tarda 13 días en percorrer toda a súa órbita ao redor da estrela Gl581.

A gravidade -ou forza de atracción- na superficie é 2,2 veces a existente no noso planeta, cun radio de acción 1,5 veces superior.

O equipo que o descubriu considera que se trata dun planeta idóneo para ser obxecto de misións dedicadas á investigación da vida extraterrestre, en particular co satélite Darwin, debido ás súas condicións de temperatura e de relativa proximidade ao sistema solar.

O lanzamento do satélite Darwin, da Axencia Espacial Europea, está previsto para 2015.

Eses mesmos investigadores xa localizaran en 2005 outro planeta do sistema desa mesma estrela anana, GL581B, e que percorre a súa órbita en 5,4 días.

Agora tamén descubriron un terceiro planeta dunha masa oito veces superior á da Terra que tarda 84 días en dar unha volta ao redor da Gl581, este planeta foi chamado GL581D

Para facer estes descubrimentos, os astrónomos utilizaron o espectógrafo de nova xeración HARPS instalado no telescopio xigante de "La Silla", en pleno deserto de Atacama, en Chile.

Feito por Brais Gómez García 1º A

Os cans doan sangue?

Si, os Laboratorios Montoro crearon o primeiro Banco de Sange Canina da Comunitat Valenciana.para mellorar a calidade asistencial veterinaria e tamen garantir a todas as clínicas veterinarias a disponibilidade de sangre necesaria para transfusión a todos os animais en calquer momento que o necesiten. Requisitos -o doante debe ter un peso aredor de 25 kilogramos -todos os cans doantes realizaselles unha analítica completa de forma gratuita
A doazon non supon un perxuicio para o animal senon que axuda a telo controlado e previr calquera tipo de patología.

para mais informacion

para ter informacion dos doantes caninos en xapon

Feito por : Érika López Carballo 1º bacharelato A

Nobel de Física 2010

O Premio Nobel de Física do ano 2010 foi concedido a Andre Geim (1958) e Kostya Novoselov (1974) polo seu traballo no , unha nova forma cristalina do carbono, estrictamente bidimensional.

Kostya Novoselov e Andre Geim

Actualmente coñécense dúas formas cristalinas tridimensionais do carbono: o diamante e o grafito.
A pesar de estar compostos por átomos da mesma natureza química, as súas propiedades químicas non poden ser máis diferentes. O grafito é de cor negro e tan brando que se emprega nas minas dos lapis. O diamante é transparente e imposíbel de raiar por ningún dos materiais coñecidos. A estas formas cristalinas tridimensionais unirase no 1984 a estrutura cero-dimensional, o C60 ou fulereno, idéntica a un balón de fútbol, pero 100 millóns de veces máis pequena. No 1991, Sumio Ijima identificara a forma unidimensional do carbono, o nanotubo. Illar a forma bidimensional, o grafeno e, sobre todo, explorar as súas extraordinarias propiedades foi contribución de Geim e Novoselov.

Feito por Brais Gómez García 1ºA

Premio Nobel de Einstein

Onte a profesora comentounos que Albert Einstein, un dos científicos máis brillantes de todolos tempos, non gañou o Premio Nobel pola súa famosa teoría da relatividade. Pero, entón por que gañou ese premio?
Investigando un pouco descubrín que foi pola súa teoría do efecto fotoeléctrico (para saber en que consiste pulse aquí).
Espero que vos pareza interesante esta pequena aclaración.
Un saúdo.
Máis informacion acerca do Nobel de Einstein.

Coral Real Llamas. 1º bacharelato B.

Tratamento con células nai embrionarias

Unha persoa paralítica está sendo tratada en EEUU por primeira vez con células nai, a finalidade é intentar a rexeneración da súa médula espinal.

Esta terapia consiste en introducir certas células do sistema nervioso no lugar danado da médula espinal.
Por outro lado, esta terapia tan só se fara con 10 pacientes; esto indica un gran avance na investigación xa que fai algo máis dunha década os investigadores dicían que se tardaría moitos anos en poder probar esta terapia e o maís difícil sería poder experimentala.

Para ter máis información acerca desta noticia:

Esperamos que vos sea interesante esta noticia.
Lidia Blanco e Lorena Yáñez 1º Bacharelato A

Vídeo oficial do Ano Internacional da Biodiversidade Biolóxica 2010

O sustento vital dos ecosistemas "estase a secar"

Ola eu tamén vou a falar sobre a perda de biodiversidade, xa que estamos no seu ano e tamén o estamos dando na clase. Como recordaredes unha das principais causas desta perda é o cambio climático e o home.

A revista Science (a máis prestixiosa revista de ciencia e sobre a que nos fala a profesora) publicou que os ríos e cursos de auga de todo o mundo, sustento vital dos ecosistemas, se están a secar debido ao consumo humano e ao cambio climático (como estudamos nós en Bioloxía).
Cando os caudais dos ríos énchense os depredadores principais aliméntanse dos niveis máis baixos da cadea de modo que os peixes grandes comezan a comer especies que eran o alimento de outros niveis.
Coas secas é completamente diferente: eliminan o depredador superior porque a maioría dos peixes non tolera tan pouco osíxeno .
A isto engádense as consecuencias do cambio climático que vai influír na frecuencia e intensidade das enchentes fluviais e das secas nos próximos anos.

Feito por: María Isabel Limia Pérez 1ºbacharelato B
Máis información en:
http://www.plataformasinc.es/index.php/esl/Noticias/La-sequia-amenaza-a-los-rios-de-todo-el-mundo
http://www.oceana.org/climate-spanish/impactos/alteracion-de-la-cadena-alimenticia/

Récord Guiness en clasificación de especies

Eu, ó igual cá miña compañeira Coral,vou adicar o meu primeiro espazo ó tema da BIODIVERSIDADE. Hoxe saíu unha noticia no periódico que me deixou realmente fascinada. E é que se batiu un auténtico récord guiness na bioloxía! Descubriuse nin máis nin menos que un verdadeiro imperio de especies novas de caracois mariños!Isto así dito sei que a moitos de vós tal vez non vos impresione moito pero..e se vos digo que dous aficionados españois á ciencia (un deles galego) ,expertos en micromoluscos, acaban de descobrer e redactar o 1º estudo da nosa historia que recolle o maior número de especies novas dun só xénero? 272 ESPECIES totais de caracois mariños DUN MESMO XÉNERO, os Turbonilla. Eles describen todas as que acaban de achar,que son concretamente 209 dese total.

Xamais dun só xénero nin dunha soa familia ,se describiron tantas especies nun só traballo.
No ano 2000 o Museo Intern.da Historia Natural de París destinoulles a Anselmo Peñas e a Emilio Rolán o estudio da familia dos Pyramidelloidea.
Estes expertos xubilados en micromoluscos, despois dun longo decenio de análises, descartes,evaluacións, etc; deron clasificado tales organismos taxonómicamente (Acabamos de falar disto no tema anterior de bioloxía, deberiades saber o que quere dicir esta palabra!)Iso si,foilles moi pero que moi complicado dado o diminuto tamaño e a numerosidade dos organismos a clasificar.En fin,un traballo enorme do que aínda lles queda moito por dicir.Creo que visto o visto (como ben apunta Anselmo Peñas) queda aínda máis demostrada a tremenda ignorancia do ser humano cara á natureza, e canto aínda nos queda por coñecer,sexa nas profundidades mariñas ou nos densos bosques amazónicos.

Eva Rodríguez Casas.1ºBacharelato B.

Para saber máis sobre a noticia :
http://www.elmundo.es/elmundo/2010/10/15/ciencia/1287148704.html

Recoméndovos enormemente que vexades o vídeo , está moi ben e vos enterades da noticia moito máis rápido e dunha forma máis amena.

Auga. Propiedades da auga V

Ósmosis

A auga. Algunhas propiedades IV.

Capilaridade da auga

Tensión superficial na auga

Tensión superficial na auga

Tensión superficial na auga

A flora galega está en perigo!

Aproveitando que o 2010 é o ano da biodiversidade, quería comentar esta noticia que apareceu no Faro de Vigo.
Xa son 65 especies invasoras en Galicia que a Xunta catalogou. Pero, é bo que haxa esta invasion floral?Segundo Medio Ambiente as invasións bioloxicas representan unha das maiores ameazas para a conservación da diversidade e ademais aumentou considerablemente nos últimos anos. Un exemplo dunha árbore invasora é a acacia, procedente de Tasmania e moi perxudicial para o nosa terra.

Un exemplo de acacia.

O Medio Ambien realizou unha localización das zoas máis afectadas e un estudo de impacto sobre a flora local. Agora terá que centrarse en frearlas para así protexer os nosos ecosistemas.
Persoalmente creo que cada un debería ter coidado coas especies (tanto animais, como plantas) que se traen doutros lugares, xa que poden ocasionar danos, co tempo, irreparables.

Para leer a noticia completa: http://www.farodevigo.es/secciones/noticia.jsp?pRef=2595_4_57242__Galicia-Xunta-cataloga-especies-plantas-invasoras-Galicia

Coral Real Llamas 1B bacharelato.

A auga, algunhas propiedades I

Esta mañá en clases de Bioloxía empezamos a falar da auga é a súa Importancia nos seres vivos. Vou incluír algúns vídeos que pode ser interesante que vexades.

Capacidade calorífica da Auga

Editado por Carmen Cid Manzano

A auga, algunhas propiedades II

Este vídeo está en inglés, temos que facerlle caso a Marga. O inglés é o idioma da ciencia.

Capacidade disolvente da auga

Editado por Carmen Cid Manzano 

Expansión gasesosa das xóvenes galaxias

Algunhas galaxias chocan e únense formando sistemas maiores, pero existe outro método menos violento que tamén provoca a súa expansión: trátase de galaxias xóvenes que absorben cantidades de gas frío, de hidróxeno e helio, que atravesaba o Universo primitivo e que serviu como material para a formación de novas estrelas. Un equipo de investigadores do Instituto Max Planck de Astronomía na cidade alemá de Heidelberg e o “Observatorio Europeo Austral” (ESO) descubriu este fenómeno basándose en observacións realizadas co Very Large Telescope (VLT), que opera en Chile.

Os resultados do VLT son a primeira proba directa de que a secreción de gas ocurriu realmente nas galaxias primitivas e que desencadeou unha extensa formación de estrelas e a mesma expansión de galaxias masivas no Universo xoven. Estas foron sorprendidas no mesmo momento no que se estaban alimentando de gas, que, como xa se citou anteriormente, empregan para a formación de novas estrelas.

Para saber algo máis
Lucía Rodríguez Rodríguez 1º Bacharelato B

Colisión entre dous asteroides.

A comezos do 2010 o telescopio Hubble detectou entre Marte e Xupiter o que parecía ser un cometa. Despois de cinco meses de comprobacións resultou ser o choque de dous asteroides, segundo publicou a revista Nature. No traballo participou Rafael Rodrigo, do Instituto de Astrofísica de Andalucía (CSIC), en Granada. xunto con investigadores do Instituto Max Planck en Katlenburg-Lindau (Alemaña) e a Universidade de California en Los Ángeles (EEUU).

Os datos aportados pola investigación indican que a principios de 2009 un asteroide de entre tres e cinco metros de diámetro chocou con outro de maior tamaño a unha velocidade duns 18.000 quilómetros por hora. A cola do que parecía ser un cometa na realidade sería os restos da colisión, que se mantivo brillante durante varios meses.
Para saber máis.

Uxía Rodríguez Rodríguez 1º Bacharelato .

Premio nobel de química 2010

O Nobel de Química 2010 foi para Richard F. Heck (1931), Ei-ichi Negishi (1935) e Akira Suzuki (1930). Polo desenvolvemento dun novo e eficaz procedemento para a creación de enlaces carbono-carbono entre diferentes moléculas, mediante reaccións catalizadas por paladio. Estas reaccións, que se empezaron a desenvolver entre os anos sesenta e setenta do pasado século, son actualmente imprescindibles na síntese química moderna.

As reaccións desenvolvidas por estes científicos levaran a industria a producir fármacos máis eficaces e materiais con novas propiedades mecánicas, ópticas, magnéticas e/ou electrónicas.
Para mais informacion
Feito por Érika López Carballo 1ºbacharelato A