sábado, 27 de octubre de 2012

Xa se fabrica gasolina a partir do aire e da auga

Un grupo de científicos pertencentes a unha pequena compañía británica chamada “Air Fuel Synthesis” desenvolveu a primeira "gasolina de aire" grazas a unha revolucionaria tecnoloxía que promete solucionar a crisis enerxética e contribuir á loita contra o quentamento global mediante a eliminación do dióxido de carbono da atmosfera.

Nunha pequena planta situada no norte de Inglaterra, lograron sintetizar gasolina a base de dióxido de carbono presente na atmosfera e vapor de auga.
Ata o de agora, producíronse cinco litros da súa gasolina nun experimento de proba de dous anos.

Remóvese o dióxido de carbono da atmosfera e combínase con hidróxeno separado do vapor de auga, e a través dun catalizador créase metanol. Cun biorreactor, o metanol convérsese despois nun combustible que pode introducirse directamente no tanque de gasolina.

É como a combustión ao revés e é o que lles da enerxía as plantas: entran CO2 e auga e salen moléculas de azúcar ricas en enerxía.

Ademais, este sistema ten varias vantaxes. Aparte de usar aire e vapor de augua, a gasolina é unha forma moi sinxela de almacenar enerxía, e tamén existe unha infraestrutura por todo o mundo para o seu uso. Por outro lado, o sistema podería ubicarse xunto a unha central eléctrica para ter produción local de gasolina sen depender dos países produtores.

Os responsables deste proxecto esperan que, nun plazo máximo de dous años, coa fabricación dunha planta de maior tamaño, poidan producir unha tonelada deste combustible cada día.
Según Tim Fox o director de enerxía e medio ambiente na Institución de Inxeneiros Mecánicos de Londres o proceso encóntrase aínda nas súas primeiras fases de desenvolvemento e precisa de electricidade da red nacional no traballo da operación, pero desde a compañía esperan que nun futuro non lexano, sexa posible aproveitar enerxía de fontes renovables como a maremotriz ou a eólica.

“Parece e ule a gasolina, pero é un produto moito máis limpo e claro ca derivada do petróleo", revela Peter Harrison, máximo responsable da compañía encargada do proxecto. "Non sumamos ningún dos aditivos que se poden encontrar na gasolina convencional e pode ser empregada polos motores existentes".

Como ocorre con moitos outros produtos enerxéticos e métodos de almacenamento, so o tempo e as forzas do mercado poderán determinar qué tan lexos pode chegar a idea de producir gasolina a partir do aire.

Enlaces:
http://www.bbc.co.uk/mundo/noticias/2012/10/121019_ciencia_gasolina_aire_diferencia_tsb.shtml

http://www.eleconomista.es/ecomotor/motor/noticias/4346364/10/12/Gasolina-fabricada-a-partir-de-aire-y-agua-la-energia-limpia-definitiva.html

Paula Meixeiro Calvo, 1º Bach. D





No hay comentarios: