En concreto, estes muíños de
vento do século XXI subministraron un 25% da electricidade demandada polos
consumidores do mercado nacional neste período e xeraron 31,7 teravatios hora
(TWh), suficientes para abastecer de electricidade a 18,1 millóns de fogares. O
subministro eólico por si só atendería a demanda de todas as familias españolas
xa que no noso pais segundo o INI
hai 17 millóns de fogares.
Estes datos fan referencia
exactamente a cinco meses do período sinalado, xa que no mes de abril houbo
importantes limitacións por parte do Goberno na produción deste tipo de enerxía.
Estas restricións adoitan adoptarse para abaratar a factura do pago das primas
á electricidade xerada no Réxime Xeral, onde se encadran as fontes de enerxía
renovables. As abundantes chuvias do mes de marzo e abril, que obrigaron a
desencorar os pantanos e o continuo
descenso da demanda de electricidade apoiaron estas limitacións. Dende
principios de ano recortouse a produción nun 3%, situación preocupante para á
organización empresarial que pide explicacións de por que a eólica ten que ser a tecnoloxía máis recortada.
A maior participación desta
enerxía renovable no sistema eléctrico contribúe á caída de prezo do megavatio
hora. Abril marcou o prezo mensual máis barato para este tipo de enerxía dende
que se liberalizou o mercado enerxético no 1998, 38,32€/MWh.
Fontes de información:
http://www.somoseolicos.com/2013/noticias/la-eolica-ha-sido-por-primera-vez-la-principal-fuente-de-electricidad-de-espana-durante-un-semestre-completo/Iago Rodríguez Peña 1ºBACH A
1 comentario:
Post moi oportuno e interesante.
Publicar un comentario