viernes, 10 de junio de 2011

1º Congreso O cambio Climático desde a escola

Onte asistimos a unha xornada moi interesante, en ela distintos centros de Ourense presentaron os traballos realizados ao longo do curso na loita contra o Cambio Climático e, entre eles, tamén nós.
Contáronnos como fabricaban biodiesel a partir de aceites usados, como repoboaban zonas queimadas, como melloraban a eficiencia dos seus centros... Nós, levamos 12 videos realizados polo alumnado de 1º A, B e C (podédelos atopar na etiqueta do blog "traballos do alumnado") e, unha exposición titulada "O cambio Climático a través do humor gráfico", nela aparecían recollidos o quentamento global, as causas, evidencias, consecuencias, loita e escepticismo sobre o Cambio Climático.
Deíxovos unha pequena reportaxe de recordo



Como está a piques de rematar este curso quero decirvos que estou orgullosa do meu alumnado... de cada un en particular. O ano próximo moitos de vos xa non seredes alumn@s meus, pero desexo que sigades tendo os ollos ben abertos ante todo o que vos rodea, sendo curiosos e interesados pola Ciencia. Cando teñades un anaquiño de tempo espero que colaboredes co blog, no verán e ... mentres dure (mesmo aínda que non sexa gratificado con nota).
Eu non vos esquecerei, espero que vós tampouco. Mil bicos.



Carmen Cid Manzano


5 comentarios:

Brais Gómez García (IES Otero Pedrayo, Ourense) dijo...

Non sei si é cousa do meu PC ou é cousa do video, pero a música falla un pouco, é como si saltase... Pero polo resto está moi ben!!!

Mª Isabel Limia Pérez (IES Otero Pedrayo, Ourense) dijo...

Eu vexoo perfectamente. Pola miña parte decir, que eu tamén estou moi contenta por ser ti a nosa profesora, porque nunca tiven nin terei unha tan boa, que ademais confia, nos anima e se preocupa tanto por nós!! Moitas grazas!

Iván Gallego Gómez dijo...

Profe eu tamén quero decirche que estamos orgullosos nós de ti que non sei se sintes ou pensas que o teu traballo que fas na casa e que ninguén che obliga a facelo non o temos en conta pero eu creo que sí eu polo menos valoro moitisimo o teu esforzo e este comentario era para iso para que te sintas querida entre nós e que sepas que o teu traballo merece a pena.

Lucía Rodríguez dijo...

Eu cando dixeches hoxe na clase que subiras unha entrada referente á conferencia de onte e que puxeras as fotos non me imaxinei que foras a facer un vídeo con todas elas, porque leva o seu tempo... Profe nos tamén estamos orgullosos de ti, dos teus ánimos para crear este blog a principios de curso, que ós pouquiños foi crecendo e que estou segura de que seguirá así durante moito tempo. Igual que se valora o noso esforzo hay que valorar o teu, que ten moito mérito que con tanto traballo aínda teñas tempo para esforzarte por nós con isto, axudarnos, motivarnos e apoiarnos en todo momento. Grazas e ánimo a todos os meus compañeiros para esta semaniña tan dura que nos queda!

Lorena Yáñez (IES Otero Pedrayo, Ourense) dijo...

Todo isto comezou fai aproximadamente 9 meses e hoxe estamos a un par de días de rematar o curso, toca facer balance e quedarse sobre todo cos bos momentos vividos. Ningún de nos pensamos que cando nos propuxeches facer este blog acabaría sendo como é hoxe en día, se nos motivou a idea de crear un blog foi grazas a que confiaches en nós dende o primeiro momento e que co noso esforzo e teu e cos ánimos conseguimos o que hoxe en día este blog é, oxalá os rapazes do ano vindeiro sigan traballando neste blog como nós o fixemos e cando teñamos tempo acordarémonos sempre deste blog que nos empezou a crear como o que teremos que ser nun futuro.
Grazas profe por motivarnos e por confiar en nós!
Grazas compañeiros!