Marie Curie: "A Súper Muller"

Como xa dixemos noutros post, o 2011 é o ano da Química coincidindo co centenario da concesión do Nobel de Química a Marie Curie. Esta muller ten unha interesante biografía que deixa a calquera coa boca aberta. Os seus comezos foron difíciles, o seu sono de dedicarse á ciencia non foi nada doado. Marie naceu en Polonia, naquela época as mulleres non podían estudar, sufrindo toda clase de obstáculos, discriminacións, inxustizas. Marie mesmo pasou fame e frío. Foi unha alumna brillante cunha capacidade de concentración incrible. Cando se foi a estudar a París logrou sobrevivir grazas ós aforros por ter traballado como institutriz en Varsovia, e pola escasa axuda que lle enviaba o seu pai e un irmán. Malia todo isto, rematou Física na Sorbona co número un da súa promoción. Un ano despois, coñecería o seu futuro marido Pierre Curie.

Marie, vivía entregada á ciencia, pudénsose facer rica patentando os seus descubrimentos, pero deixounos a disposición da comunidade científica. O matrimonio Curie anunciou en 1898 o achado de dous novos elmentos: o polonio e o radio, tras pasar catro anos traballando en condicións precarias para desmostrar a súa existencia. En 1903 compartiron con Becquerel o Nobel de Física. Tras chegar a fama e os recoñecementos, Marie ingresou na Academia Francesa, cargos nunca ocupados por mulleres. O seu marido morreu atropelado e Marie herdou a súa cátedra, as súas investigacións levarona a gañar o Nobel de Química en 1911. Ao viaxar a EE.UU foi recibida como se merecía, como unha verdadeira figura. Unha leucemia levouse a súa vida en 1934.

E se aínda non vos quedou claro que Marie Curie foi unha " Super Muller", lede o seguinte, "Marie Curie unha gran muller dez veces":

1. A primeira da súa clase cando rematou aos 15 anos os estudos de bacharelato (1883). Outorgáronlle unha medalla de ouro.
2. A primeira muller graduada en Física na Universidade da Sorbona. Aquel ano (1893) soamente dúas mulleres graduáronse en toda a Universidade de París. Marie foi, tamén, a primeira da clase.
3. A primeira persoa en utilizar o termo radiactividade (1898).
4. A primeira muller en Europa que recibiu o doutorado en Ciencias (1903).
5. A primeira muller en recibir un Premio Nobel de Física (1903). O galardón foille outorgado, conxuntamente co seu esposo Pierre e con Henri Becquerel, polo descubrimento da radiactividade.
6. A primeira muller que foi profesora e xefe de laboratorio na Universidade da Sorbona (1906).
7. A primeira persoa en ter dous Premios Nobel. O segundo sería de Química, en 1911, por preparar o radio e tido sido investigado os seus compostos.
8. A primeira muller que foi membro da Academia Francesa de Medicina (1922).
9. A primeira nai Nobel cunha filla Nobel. En 1935 a súa filla Irene obtivo o galardón en Química.
10. A primeira muller en ser enterrada baixo a cúpula do Panteón por méritos propios (1995).

Feito por María Isabel Limia Pérez 1º Bacharelato B.

Lynn Margulis

En clase estivemos falando da Teoría endosimbiótica e da simbioxénese. Déixovos un enlace a un traballo realizado por unha alumna do curso pasado, no que se recolle unha pequena biografía de Lynn Margulis e un resumo das súas ideas sobre a evolución. Espero que vos axude a coñecer mellor a esta gran científica actual. (Non esquezades pór o son, algún de vós descubrirá a voz marabillosa de Maria Callas).

http://centros.edu.xunta.es/iesoteropedrayo.ourense/dptos/bio/Archivos/Multimedia/CCMC/lynn_margulis.pps

Se recordades noutro post deste blog xa estivemos a falar desta científica e a realción co noso Instituto

http://acienciatamenecultura.blogspot.com/2010/10/lynn-margulis-con-luis-martinez-costas.html

2010: O ano máis cálido da historia

Así é, o ano 2010 convertiuse xunto co ano 2005 no ano máis cálido que se ten rexistrado dende 1880. O incremento da temperatura da superficie terrestre no ano pasado é de 0,62 grados con respecto de hay 10 anos. Este aumento da temperatura terrestre, que parece tan insignificante, é a proba máis clara da existencia do efecto invernadoiro que algúns cuestionan.

Para máis información.

Mario Blanco Cid 1ºA Bach.

A resistencia microbiana crecente

Os antibióticos non son inofensivos xa que poden ter efectos adversos e o seu mal uso pode producir a súa perda de eficacia. Debido a isto é necesario informar a poboación da necesidade de utilizar de xeito racional este tipo de fármacos.

Segundo a Teoría da evolución de Darwin a poboación de bacterias que produce unha infección son todas distintas desde un punto de vista xenético, unha son máis resistentes aos antibióticos que outras. O uso inadecuado destes fármacos, fan desaparecer por selección natural as máis débiles e quedan as máis fortes o que acelera a aparición de bacterias resistentes, algo perxudicia,l sen dúbida, para todo o mundo. Así, arriscámonos a que moitas infeccións bacterianas graves que ata o día de hoxe tiñan curación no futuro non o consigan. Isto é un aspecto que entre todos temos que cambiar, preservando o valor curativo dos antibióticos. O Ministerio de Sanidade e Consumo, consciente deste problema, puxo en marcha desde o ano 2006 unha campaña informativa. O cartel e os spot que aparecen neste post son unha mostras da citada campaña.

O progreso das medidas hixiénicas, a mellor calidade das condicións de vida, as vacinas, os antibióticos, etc fixeron crer, erradamente, que as enfermidades infecciosas desapareceron ou farano axiña. Nada máis afastado da realidade. A sida, a tuberculose, as hepatites C e E, a enfermidade do lexionario, a malaria e a meninxite, entre outras. Este exceso de confianza que nos fai pensar que temos, en concreto, as infecciones bacterianas controladas, son as que estar a dar a cada día maior resistencia aos antibióticos .

Seguindo os consellos que aparecen a continuación poderemos diminuir ou amortiguar este problema:

- Non debemos precipitarnos á hora de tomar medicamentos. Non a automedicación.

- Os causantes de moitas afeccións respiratorias son virus ante os cales os antibióticos son ineficaces e polo tanto só o médico é o indicado para receitalos, no caso de que perciba algún tipo de risco por enfermidades subxacentes ou pola idade, así como para evitar sobreinfeccións.

-Seguir sempre medicación sen saírse das regras, empregando a dose recomendada e os días fixados polo facultativo.

- Non empregar medicamentos que atopemos por casa gardados porque seguramente non se adapten ó que precisamos nese momento, por iso debemos agardar e, se os síntomas continúan, ir ó médico.

-Á hora de compralos, aínda que sexan os receitados, procurar optar á medicación xenérica, posto que non sempre o máis caro é o máis efectivo.

-Sempre que teñamos medicamentos nas nosas casas, debemos gardalos e non telos á vista dos nenos.

Lucía Rodríguez Rodríguez 1ºB

Antibióticos. Cando se deben tomar e cando non.

Definición de "antibiótico" por ABC:

Un antibiótico é aquela substancia química, xeralmente utilizada na Medicina animal e humana e na horticultura, que pode ser producida directamente dun ser vivo ou derivada sintéticamente deste co obxectivo de matar ou impedir o crecemento de certos microorganismos sensibles que causaran unha concreta infección sobre os mencionados organismos.


Cada un de nos temos unhas 100.000 bacterias en cada cm² de pel saboreando escamas de pel, fluidos e minerais que desprendemos. Os microbios constitúen un 80% do todo aproximadamente, e a maioría non son perxudiciais, outros poden beneficiarnos e só uns poucos son perxudiciais para o home. E por moi poucos que sexan, (un de mil microbios son malignos para o ser humano) son a terceira causa de morte no mundo Occidental.

O problema que nos afecta é o seguinte: a inmunidade destes microbios perxudiciais a un tratamento recurrido, ás veces, innecesariamente: os antibióticos.


¿Que factores inflúen na resistencia aos antibióticos?

Un uso inxustificado e un abuso dos antibióticos leva a que as bacterias xeneren unha resistencia. A fácil dispoñibilidade de antibióticos nalgúns países onde se venden sen prescripción médica fomenta esta resistencia.

Moita xente toma antibióticos fronte a constipados ou gripes, cando o remedio "caseiro" tampoco ven mal de cando en vez. Temos que saber cando debemos evitar os antibióticos, e para iso, coñecer contra que non poden combatir:

• Infeccións causadas por virus, como os resfriados, a maioría das dores de gorxa, a bronquitis e algunhas infeccións de oído.

Os antibióticos só funcionan cando se trata de infeccións causadas por bacterias, fungos e algúns parásitos. Polo tanto, debemos recurrir a este tratamento, sempre prescrito polo noso médico, cando padecemos alguna infección no seguinte tipo:

• Infeccións de gorxa, oídos, urinarias, sinusitis, infeccións sépticas por alimentos, das vías respiratorias, etc. Todas as infeccións nombradas, como xa sabedes, serán tratadas con antibiótico porque están producidas por bacterias, tendo que existir evidencias clínicas de que non é un problema vírico.

Polo tanto, é aconsellable acudir sempre a un especialista que nos proporcione evidencias clínicas de que nos atopamos ante unha infección bacteriana, e preferiblemente, ter en conta tamén certas precaucións para outros medicamentos, xa que o abuso de calquera deles tampouco é beneficioso para nos e poderíamos estar tratándonos de maneira incorrecta.

Tamara Fernández, 1ºC

Un dos obxectos máis estranos do universo é descuberto por " Hubble "

O Obxecto de Hanny, que así nomearon a ese corpo, foi descuberto por o telescopio Hubble en 2007. Trátase dunha estrana e brillante nube de gas verde (isto é debido ó osíxeno ionizado) situada a 650 millóns de anos luz da Terra, que parece flotar debaixo dunha galaxia espiral (que un cuásar no seu núcleo iluminouna como se fora un foco) e que ten o tamaño da Vía Láctea.

Do núcleo da galaxia sae un fluxo de gas que se extende a 300.000 mil anos luz, e que o Hubble mostrou agora que este gas interactúa cunha pequena rexión do Obxecto Hanny, na que se están a formar estrelas, as máis antigas das cales ten dous millóns de anos.

Hanny Van Arkel foi a profesora holandesa que descubriu a estrutura celeste, que agora asiste a presentación das novas imaxes na Sociedade Americana de Astronomía.

Agora crese que o cuásar (buraco negro supermasivo) apagouse ou resultou ocultado polo gas fai uns 200.000 anos tras haber iluminado a estrutura, cuxo brillo pode considerarse o seu eco.

Para máis infromación

Editada por Lidia Blanco Otero 1º Bach. A

Supermaterial máis resistente do mundo.

Científicos estadounidenses crearon recentemente un novo material fusionando cinco elementos e convertíndoo así nunha especie de vidrio metálico. Falan deste coma o material máis resistente do mundo!

O novo material está composto o 90% de Paladio e o outro 10% está composto por plata, germanio, silicio e fósforo, e esta esencia composta e a que permite que se distinga dos metais normais na súa maleabilidade; a súa estructura non é cristalina, se non máis parecida a do vidrio. Os metais "normais"contan con estructura cristalina que fai que o soportar moito peso os seus electróns de deslicen uns sobre outros, pola contra os metais amorfos son case imposibles de cambiar a forma, cunha estructura semellante a do vidrio pero coa diferencia de que o vidrio agrietase e romper antes de deformarse, e este supermaterial defórmase entes de quebrar. De aquí as súas supercaracterísticas que fan que lle podan chamar supermaterial:

• A súa fortaleza permítelle soster cantidades de peso que farían caer a calquer outro material.
• é aínda máis resistente co acero, tanto que podería resistir golpes de enorme intensidade sen tan sequera quebrarse!

Cales serían as súas aplicacións? Estas poderían ser moitas, pero verase reducida a unha polo seu gran inconveniente, o prezo; O paladio xa é de por sí caro, xa que costa ao redor de 15.000 € o quilogramo, pero o super material ronda os 20.000 € ! Polo tanto só se usará para medicina (de momento), para curación de fracturas óseas etc.

Durante o estudo tamén plantearon utilizar o material con aluminio ou ferro, e é posible que nun futuro se desenvolvan novos materiais máis baratos que substituan o aceiro e desgaste menos o noso bolsillo.

Para sabes máis.

Editado por Uxía Rodríguez Rodríguez 1ºBach A

O Tevatron pechará en septembro tras máis de 20 anos

Tevatrón é o acelerador de partículas circular do Fermilab situado en Batavia, Illinois (Estados Unidos). É un sincrotrón que acelera protones e antiprotones nun anilllo de 6.3 km de circunferencia ata enerxías de case 1 TeV, de onde provén o seu nome. Este acelerador competía desde o 2008 co LHC, actual lider indiscutíble da física de altas enerxías, por atisbar o "Bosson de Higgs".

Edificio central de Fermilab, que aloxa no seu soto o "Tevatron"

O Tevatron tiña previsto botar o peche en setembro deste ano. Pero as avarías no LHC desde a súa inauguración en 2008 xustificaban un sprint final ata 2014 para o acelerador estadounidense, segundo o Departamento de Enerxía da EUA(DoE), que financia o proxecto. Pero ao final os criterios económicos impoñeronse sobre os ciéntificos xa que: "o actual clima presupuestario é moi duro e non se atoparon máis fondos", segundo afirma o DoE nunha carta a un dos expertos que recomendaron manter vivo ao "Tevatron".

Para máis información prema aquí

Editado por Brais Gómez García 1ºA

Inesperadas variacións na espectacular "nebulosa del Cangrejo"

A “nebulosa del Cangrejo” é un dos corpos celestes máis fermosos e mellor coñecidos polos astrónomos. Foi descuberta en 1758 como supernova(explosión dunha estrela masiva esgotada), rexistrada polos chinos no ano 1054.

A día de hoxe vese no ceo como un enxambre de filamentos; no seu centro, unha estrela de neutróns superdensa en rotación e emitindo radiación. Ten arredor de seis anos luz de diámetro e atópase a uns 6500 da Terra. En principio sabemos que é moi estable, de feito normalmente é utilizada como punto de referencia para observacións astronómicas de outros obxetos menos previsibles.

Nos últimos meses os astrónomos detectaron destellos de altísima enerxía emitidos pola famosa nebulosa con diferentes observatorios avanzados. Dous equipos internacionais de astronomía explican na revista Science que detectaron catro destellos de raios gamma na normalmente tranquila “nebulosa del Cangrejo” co telescopio Agile (Agencia Espacial Italiana, ASI) no pasado mes de Setembro; nos seguintes días fixérono cos telescopios de raios X Hubble e Chandra, xa que ademais foi similar a outro destello no mesmo lugar en Octubro do 2007. Ningún astrónomo soubo como explicalos.

Outro equipo de astrónomos, liderado por Aous Abdo e con participación dende o noso país, do Instituto de Ciencias del Espacio, informa tamén na revista Science de dous destellos detectados co telescopio especial Fermi: un é o de Setembro do pasado ano e o outro en Febreiro do 2010, no que a emisión de raios gamma incrementouse en un factor catro. Tampouco teñen explicación, pero suxiren que os raios gamma tan enerxéticos poden ser emitidos por radiación sincrotrón que xeran as partículas de máis alta enerxía que se poden asociar cunha fonte astronómica. Os espectaculares e inesperados destellos na “nebulosa del Cangrejo” ofrecen unha oportunidade única para someter a proba a perspectiva xeralmente aceptada da aceleración de partículas e as emisións de alta enerxía.

Hay que ter en conta que os descubrimentos e estudos detallados de destellos de raios gamma no universo abundan nos derradeiros anos grazas a varios detectores específicos que se puxeron en órbita para atopalos e observalos. Pensan que poden producirse un ou dous destellos gamma ó ano no rematente de supernova.

Información completa

Lucía Rodríguez Rodríguez 1ºB

A táboa periódica en videos

http://www.periodicvideos.com/index.htm

No ano internacional da Química deixovos un enlace moi interesante que nos permite ver unha táboa periódica, cos elementos químicos conectados mediante hipervínculos a vídeos en inglés. Algúns xa están subtitulados en español na lista de reproducción With Spanish subtitles (Español).

Como xa comentamos noutro post a IUPAC modificará a táboa periódica no 2011. Outros fan cousas moi curiosas con ela.

Editado Carmen Cid Manzano

Películas e ciencia

Científicos da NASA e membros da Sociedade Science & Entertainment Exchange fixeron un listado de películas comerciais tendo en conta o punto de vista científico. Entre as peores destacaron: 2012, El Núcleo, Armageddon, Volcano, Reacción en cadena, El Sexto Día, ¿Y tú qué sabes? Y El día de mañana. Entre as mellores destacan:Gattaca, Contacto, Metropolis, El día que la Tierra se quedó quieta, La mujer en la Luna, El enigma de otro mundo, Blade Runner y Jurassic Park.

Irónicamente afirmaron que se debía colocar unha nova advertencia ás clasificacións das películas: "O contido desta película non dana ningunha teoría científica seria".

Deíxovos algúns enlaces onde podedes buscar películas relacionadas coa ciencia:

http://edukazine.blogspot.com/2006/01/recursos-para-el-aula-de-ciencias.html

http://cpr.santamariadomar.ccmc.climantica.org/category/cine/peliculas-de-ciencia/

http://www.umbella.com/heinlein/cine/educacion/grandestemas_ciencia_ficcion.htm

Editado por Carmen Cid Manzano

Por que a atmosfera do sol ten unha temperatura tan elevada?

Un grupo de científicos dos Estados Unidos, liderados por Bart de Pontoeu e apoiados pola NASA, observaron como masas de gases a elevadas temperaturas saen disparadas dende a superficie do sol ata a coroa (atmosfera do sol), a unha velocidade moi superior ós 100 quilómetros por segundo e que desaparecen en moi pouco tempo.

No 2007 suxerírase a existencia desas masas, denominadas espículas solares, que se movían a gran velocidade, o que lles proporcionaba elevada temperatura, pero non se observaran directamente. Esto foi posible grazas ó telescopio espacial Solar Dynamics Observatory da NASA, lanzado en febreiro do pasado ano, e ó satélite xaponés Hinode, lanzado no 2006.

Para máis información click aquí.

Editado por Natalia Cid, 1º B

Pensos contaminados con dioxinas en Alemaña

Máis de 4.700 granxas foron pechadas en Alemaña, despois de descubrir que os pensos cos que están a alimentar os animais están contaminados con dioxinas. A dose de dioxinas que contiñan eran ata 78 veces superiores ao permitido, segundo os expertos: un total de 58,17 nanogramos, fronte aos apenas 0,75 permitidos pola lei.Os análises realizadados por un laboratorio independente detectou a contaminación en marzo do 2010 pero Goberno alemán asegurou que non tivo coñecemento do feito ata decembro. Ata o inicio desta semana non foi feito público o problema, que afectou 3.000 toneladas de alimentos en todo o país.

As granxas adquiriron pensos contaminados con aceites industriais non destinados ao consumo animal ou humano e que contiñan dioxínas, compostos químicos obtidos a partir de procesos de combustión que implican ao cloro, e que constitúen unhas das substancias máis tóxicas e cun alto potencial canceríxeno para o ser humano

Para mais informacion:

http://www.elmundo.es/elmundo/2011/01/07/ciencia/1294409752.html

http://www.publico.es/ciencias/355051/alemania-cierra-4-700-granjas-por-la-contaminacion-en-los-piensos

http://www.elpais.com/articulo/sociedad/Alemania/cierra/4700/granjas/usar/piensos/contaminados/dioxinas/elpepusoc/20110107elpepusoc_1/Tes

Feito por: Érika López Carballo 1ºBacharelato A

Xenes para saber o cor do cabelo

Segundo a revista Human Genetics realizáronse uns experimentos que afirman que coa información do ADN pódese determinar cunha gran probabilidade, superior o 90 % se unha persoa ten o pelo negro ou se é pelirroxa e cunha probabilidade dun 80% en rubios e castanos; para realizar este experimentos abonda cunha pequena mostra de sangue, saliva, espermatozoides ou outros materiais biológicos utilizados polos forenses.

Poder coñecer a cor do cabelo a partir do ADN mostra un gran avance porque ata agora tan so os pelirroxos se podían detectar con unha simple análise.

Agora os forenses xa poden determinar a coloración do cabelo basándose en tan so 13 marcadores de 11 xenes, esto permite os investigadores coñecer a cor do cabelo de calquera persoa.

Estes experimentos tan so se realizan co pelo da cabeza pero esperan conseguir o mesmo ca cor do vello corporal, aínda que anteriormente os investigadores xa traballaron para poder determinar a cor dos ollos e ata saber a idade dunha persoa a través do ADN.

Para mais información

Lorena Yáñez López 1º A

Pequenos cambios na imaxe do blog

A cabeceira dedicada ao ano da Biodiversidade, celebrado no 2010, foi substituida por unha imaxe que expresa unha Ciencia máis global.

A declaración de 2011 como Ano Internacional da Química é unha iniciativa da IUPAC (Unión Internacional de Química Pura e Aplicada, nas súas siglas en inglés) e a UNESCO. O ano 2011 coincide co centenario do Premio Nobel de Química outorgado a Marie Curie e da fundación da Asociación Internacional de Sociedades Químicas.
O Lema é “Chemistry: our life, our future” (Química, a nosa vida, o noso futuro) e os seu obxectivos son: incrementar a apreciación pública da Química como ferramenta fundamental para satisfacer as necesidade da sociedade, promover o interese pola Química entre os mozos, e xerar entusiasmo polo futuro creativo da Química para mellorar a sustentabilidade dos nosos modos de vida e para resolver os problemas globais e esenciais da Humanidade, como a alimentación, a auga, a saúde, a enerxía ou o transporte.

2011 Ano Internacional dos Bosques. Esta celebración resultará útil para tomar maior conciencia de que os bosques son parte integrante do desenvolvemento sostible do planeta debido aos beneficios económicos, socioculturais e ambientais que proporcionan. Con este fin, promoverase a acción internacional en pos da ordenación sostible, a conservación e o desenvolvemento de todo tipo de bosques. No seguinte enlace podemos oir o son do bosque.

Editado por: Carmen Cid Manzano

Maduros ou non tanto?

Detrás da «síndrome de Peter Pan» quizais non exista só unha persoa caprichosa ou unha personalidade pouco formada, senón que pode esconderse unha explicación neurolóxica. Científicos británicos aseguran que o cerebro humano continúa desenvolvéndose despois da infancia e a puberdade, e que non alcanza a súa madurez completa ata os 30 ou 40 anos. Esta investigación, contradín as actuais teorías que apuntan que o cerebro madura moito máis cedo.

A codia prefrontal, que se encontra xusto detrás da fronte, é, segundo os científicos, a área do cerebro que experimenta maior período de desenvolvemento. É a parte do cerebro «que nos fai humanos», xa que existe unha estreita relación entre este área do cerebro e a personalidade. Os escáneres cerebrais mostran que que esta continúa cambiando a súa forma ata ben entrados os 30 ou os 40 anos. Para Blakemore, a investigación podería explicar por que os adultos ás veces se comportan como adolescentes, teñen mal humor sen vir a conto ou rabechas cando non se saen coa súa.

Aquí deíxovos un vídeo moi interesante sobre o funcionamento do cerebro.

Feito por María Isabel Limia Pérez 1º Bacharelato B

Máis información e aquí.

Comeza o funcionamento dun novo "telescopio" que pretende atopar neutrinos.

Despois de 10 anos de traballo, por fin, o pasado 18 de decembro puxéronse os derradeiros 86 fotodetectores o que daba por finalizado este “telescopio” de neutrinos IceCube Neutrino Observatory.

Este xigantesco “telescopio”, que ocupa ao redor de un quilómetro cúbico, sitúase a 1.400 metros por debaixo da superficie do xeo do Polo Sur. O aparato ten que estar a tanta profundidade para que o seu funcionamento non se vexa alterado por outras radiacións existentes. Os encargados do seu deseño e construción foron científicos de Bélxica, Estados Unidos, Alemaña e Suecia, este dispositivo será dirixido pola Universidade de Wisconsin-Madison e a National Science Fundation.

O obxectivo de este aparello é conseguir detectar a “radiación de Cherenkov”(tamén chamada Luz Azul). Esta radiación prodúcese cando os neutrinos chocan contra os átomos de xeo. Estas partículas, os neutrinos, son producidas polo Sol, os buratos negros e as supernovas. Ademais, estas partículas son case imperceptibles, xa que apenas interactúan ca materia, porque a pesar de que cada segundo trillones de elas atravesan a Terra, rara vez chocan con algún átomo debido á súa pequenísima masa (un pouco menos dunha milmillonésima parte da masa dun átomo de hidróxeno.

Deíxovos tamén aquí un video do proxecto, está en inglés pero pódese ententer o máis esencial.

Para máis información.

Editado por: Andrea Gerpe Acosta. 1ºBacharelato A

O 2010 nunha imaxe

Poderíase resumir todo o ano 2010 nunha imaxe?

A imaxe da fotografía anterior foi tomada en Hungría, pero realmente non se trata dunha soa fotografía senón dun conxunto de 36 imaxes tomadas dende o mesmo lugar nun vencindario húngaro de xaneiro a decembro.

Na instantánea, percíbese un analema, que é a curva que describe a posición do Sol no ceo. Esta imaxe é moi dificil de conseguir polo tempo e a precisión que require. En todo o mundo só vinte persoas chegaron a unha conclusión semellante.

O Sol debuxa esta forma de oito durante o ano pois a Terra xira nun eixe lixeiramente distinto ao da nosa estrela e nunha órbita elíptica.

O punto máis alto do analema prodúcese durante o solsticio de verán e o máis baixo no do inverno.

Información:

http://www.abc.es/20101230/ciencia/abci-todo-2010-unica-fotografia-201012301251.html

Tatiana Nespereira Campuzano 1ºB

Así será a ciencia en 2011

Espazo: este ano será o último ano de servizo dos transbordadores de EEUU, os Shuttle. Por agora, o seu único sucesor son as naves rusas Soyuz rusas. EEUU e outros países pagan máis de 50 millóns de dólares por cada asento en una soyuz para levar astronautas á ISS. Pero a empresa Space X que dirixe un estadounidense demostrou que as súas cápsulas Dragon poden entrar en órbita e regresar a Terra. Este magnate o que pretende é acercarse a ISS e intercambiar comunicacións con ela.

Sida: o 2011 non traerá a ansiada vacina contra o sida, pero pode que se descubra algún dos talóns de Aquiles do virus que permita deseñar una vacina eficaz. O que si traerá é a confirmación de que os antirretrovirales poden usarse na prevención nas persoas sans.

Aceleradores: cal será o acelerador que consiga atopar o Bosson de Higgs? será o LHC ou seu competidor, o Tevatron de Batavia (EEUU). El Tevatron, se EEUU non o evita con máis diñeiro, deixará de funcionar a finais de 2011. O LHC tiña previsto un parón para a mesma data. A loita entre as dúas institucións por chegar antes a resultados é a razón de que os responsables do LHC decidan a finais de xaneiro, se o LHC segue operativo ata finais de 2012 para esgotar todas as posibilidades de gañar o duelo.

Células nai: a compañía encargada de facer os ensaios é Advanced Cell Technology (ACT). Intentaran estudar o posible beneficio das células nais, embrionarias e diferenciadas.

Vida artificial: Craig Venter non logrou convencer a comunidade científica de haber xenerado vida artificial, por iso en 2011 intentará convencer aos seus colegas coa creación dunha fornada de superbacterias. Científicos españois aventuran que conseguirá bacterias productoras de hidróxeno para biocombustibles ou microorganismos modificados capaces de descontaminar substratos de petróleo, ou que produzan algunha molécula orgánica para uso terapéutico.

Cancro: aínda que a cirurxía seguirá xogando un papel importante na oncoloxía o ano que comeza identificaranse novos biomarcadores que sinalarán os pacientes aptos para novos fármacos. Tamén será o ano en que se mellorarán as técnicas de imaxe, que non só servirán para pescudar onde están os tumores, senón as súas características.

Astronomía: en febreiro publicarase una tanda das novas observacións do telescopio Kepler da NASA, un dos cazadores máis precisos de planetas fora do sistema solar. Seguiranse buscando planetas habitables semellantes a Terra.

Mellores fármacos:
O sintrom, un anticoagulante usado por millóns de persoas en todo o mundo, dará a paso a tres novos tratamentos cunha eficacia similar, pero que non requiren dos engorrosos controis periódicos.
Outro cambio notarano os afectados de esclerose múltiple, que poderán seguir o seu tratamento vía oral en lugar de inxección, mellorando a súa calidade de vida.

No campo das enfermidades mentais, espérase que se estableza un biomarcador que diferencie os problemas de memoria típicos da idade coas demencias como o alzhéimer, para adiantar o tratamento.

Para máis información

Ariana Pascual Sas 1ºBacharelato C

O futuro da exploración de Marte.

Un novo vehículo deseñado pola NASA sorprendenos novamente pola súa complexidade. Este vehículo (chamado Curiosity) é o próximo vehículo que explorará a superficie de Marte a finais deste ano. Con case tres metros de longo, o novo vehículo estase acabando de montar en California é trátase dun dos prototipos máis complexos deseñados pola NASA. Entre outras innovacións coas que conta o vehículo, destaca o poder analizar a composición do chan e das rochas da superficie de marte grazas a un láser incorporado, vaporizando pequenos anacos de rocha, e analizando os atomos estimulados polo haz. Curiosity lanzarase entre o 25 de novembro e o 18 de decembro deste ano, chegando a Marte en Agosto de 2012. Veamos unha sinxela animación que nos mostra o funcionamente deste impresionante vehículo:

Para máis infromación.

Mario Blanco Cid 1ºA Bach.

1.000.000 ou 1 000 000?

A dúbida hai que solucionala coa lei, neste caso a lei de medidas, a última promulgada en España é un Real Decreto de Decembro de 2009. Esta e outras dúbidas resólvenolas a profe de matemáticas Conchita González nun post do seu blog Dousferrados.

Con permiso de Conchita e en recordo de Begoña
(dúas magnificas mestras)

Selección artificial, selección natural.

Ave prehistórica que empregaba o seu corpo como un mangual

Foi achada unha ave prehistórica que viviu en Xamaica fai 10.000 anos que empregaba o seu corpo como un mangual ( arma medieval composta por una bola de ferro atada cunha cadea a un mango de madeira).

O tamaño da ave era algo maior ó dunha pita e a súa anatomía era similar á dos actuais ibis, cun cuello largo e pico curvado. A súa gran diferenza era que as súas ás eran moita mais longas que as da maioría das aves voadoras, e na práctica, funcionaban como dous paus unidos por unha boneca moi flexible, como se foran uns nunchacos( arma de artes marciais) balancenado os ósos do seu brazo e golpeando ós seus inimigos cos grosos ósos da súa man.

O principal autor do achado,Nicholas Longrich,dixo que era o armamento máis especializado desenrolado por unha ave que viu nunca.

Para máis información

Editado por Lidia Blanco Otero 1º Bach. A

Richard Dawkins. Evolucion vs deseño intelixente

O documental seguinte ten unha veintena de anos, nel, Richard Dawkins, explica a teoria da evolución de Darwin e contesta, dun modo rotundo, aos partidarios do creacionismo, o que agora vén a chamar Teoría do deseño intelixente.
Richard Dawkins (26 de marzo de 1941, Nairobi, Kenia), é un etólogo británico, zoólogo, teórico evolutivo e divulgador científico. É titular da «cátedra Charles Simonyi de Difusión da Ciencia» na Universidade de Oxford.


A continuación tedes tres documentais que Richard Dawkins guionizou coincidindo co 150 aniversario da publicación da obra mestra de Darwin, A Orixe das Especies. Richard Dawkins presenta unha mirada máis recente a Darwin e a súa revolucionaria teoría da evolución por medio da seleccion natural. Nesta magnífica serie, Dawkins explica quen foi Charles Darwin, como desenvolveu a súa teoría, de que se trata e por que é esencial. Relata como Darwin cambiou para sempre a forma en que nos vemos a nós mesmos, ao mundo e ao noso lugar nel, e demóstranos que a evolucion é un feito, apoiado por probas irrefutables.



Entrada relacionada neste blog e outra

Documentais interesante sobre a evolución das especies

1º Documental: O legado de Darwin

2º Documental Conferencia de D. Fernando Pardos (Profesor, Universidade Complutense de Madrid) "A Orixe da Orixe"que trata sobre as teorías de Charles Darwin e Alfred Russel Wallace e como ambos se implican na historia para construír o que coñecemos como a orixe das especies. UN POUCO LONGO PERO MOI, MOI, INTERESANTE!!!!

Editado por Carmen Cid Manzano

O xenoma do mexillón axuda a sintetizar un adhesivo cirúrxico

Coñecidos, o xenoma do mexillón é a base para desvelar os misterios dunha especie alieníxena tan preto como resistente ao extremo e practicamente incapaz de desenvolver cancros. A revelación de seu ADN será un paso crucial no desenvolvemento de medicamentos e axudar a sintetizar, por exemplo, unha cicatriz adhesivo forte no futuro poderá substituír a sutura de cirurxías."Coñecemos palmo a palmo a Lúa" e non notou a grande importancia que vive en estuarios. "A xente ve o mexillón na lata e non deixan para pensar que ese ser é totalmente Marte, un superhome resistindo hora sen respirar, sen perturbar a vivir en condicións extremas, frío e aridez, calor e humidade. Un erro que agocha o segredo da resistencia ao estrés, que acaba de sufrir de mortalidade, cunha especie de antibiótico natural (peptídicos antimicrobianos) que o fai inmune a certas enfermidades. "

Os mexillóns creados no centro de referencia de Vigo son pai, nai, casta e son coñecidas e controladas, e en breve vai estrelar o máis ambicioso proxecto xenoma realizado en Galicia. Figueras, coordinador do proxecto para seqüenciar o xenoma do mexillón, que será desenvolvido durante tres anos por investigadores do Instituto e da Universidade de Vigo, avisa que o seu equipo non sabe "o que vai atopar" .O obxectivo do equipo de investigación é "agregar valor a esta riqueza", prestando atención, especialmente, peptídicos antimicrobianos nestes moluscos son invulneráveis a certas enfermidades. A NASA xa patentou a sustancia composta de proteínas naturais, pero toneladas de mexillóns son necesarios para extraer un mínimo e non atopou a composición adecuada para o seu uso en cirurxía humana.

Cando se coñezcan os genes responsables de este adhesivo, se podrán crear as condicions para sintetizalo biolóxicamente en insectos u organismos celulares.

Para mais información

Noelia Vila Seijas 1ºC

As conclusións en Ciencia son provisionais e poden ser modificadas

Para máis información

Ariana Pascual Sas 1ºC

Os mecanismos que conducen a depresión aínda son un misterio séculos despois do seu diagnóstico. En 2003 un estudo demostrou que existía unha conexión entre a depresión e o xene 5- HTTLPR. Este xene relacionado coa serotonina (neurotransmisor sobre o que actúan moitos dos antidepresivos que se comercializan actualmente) e que está relacionada coa habilidade para recuperarse dun trauma emocional.

Pero este prometedora achega esfumouse cando outro estudo, publicado na revista JAMA revisou os traballos que estudaban a asociación para concluír que as conclusións non estaban o suficientemente demostradas. Segundo Arquives of Xeral Psychiatry, o estudo que desmontou o achado previo, só analizaba 14 dos 56 traballos sobre a relación entre o xene 5-HTTLPR e a depresión e o estrés. Ao avaliar todos, incluíndo os realizados con posterioridade a 2009, os autores, da Universidade de Michigan (EEUU) consideran que a relación entre o xene e a depresión volve a demostrarse.

Estudio do xenoma do cacao e das fresas

Dúas especies de plantas, moitas veces relacionados con chocolates, galletas e bombóns revelaron os seus xenes. Dous equipos independentes de científicos secuenciaron o seus xenomas. Un deles se trata dunha variedade do cacao considerada unha das de máis alta calidade, o Criollo, domesticado polos maias fai 3.000 anos, pero difícil de cultivar pola a súa susceptibilidade ás infeccións. Co xenoma, os investigadores din, poderían mellorar as características doutras variedades ou aumentar a resistencia da raza Criolla.

En canto á fresa tamén secuenciaron o xenoma da planta silvestre demostrando ter aproximadamente 35.000 xenes (aproximadamente unha vez e media o xenes do xenoma humano) con este estudio será posible mellorar o seu sabor e resistencia aos patóxenos.

Vainas de cacao aun verdes no árbol

Para máis información



Noelia Vila Seijas 1ºC

Choiva de estrelas, primeiro "show" celestial do 2011

O novo ano comeza cargado de momentos estelares, especialmente para aqueles a quen lle gusta mirar o ceo e observar as estrelas

Os meteoritos son parte de corpos menores do Sistema Solar que alcanzan a superficie do planeta ó non desintegrarse completamente na súa atmósfera. O chegar ó contacto coa nosa prodúcese unha ignición que fai que emita luz e forme unha boa de lume ou estrela fugaz.

O momento terá lugar na noite do 3 ó 4 de xaneiro, aínda que os expertos non parecen poñerse de acordo todavía sobre se sucederá cerca das 20.00, hora local, do 3 de xaneiro ou sobre as 02:00 am, hora local, do 4.

onde mirar?

Ocurrirá xusto debaixo da Osa Maior e a Osa Menor.

Feito por Iván Gallego Gómez 1º Bacharelato A

O telescopio SOHO detecta a cífra record de 2.000 cometas.

O telescopio espacial SOHO, operado de forma conxunta pola Axencia Espacial Estadounidense (NASA) e a Axencia Espacial Europea (ESA), alcanzou a súa propia marca ao identificar 2.000 cometas.

SOHO converteuse así no maior buscador destes corpos celestes de todos os tempos, aínda que a súa misión orixinal era outra. O Observatorio Solar e Heliosférico naceu coa misión especial de observar o comportamento do astro máis importante para a Terra, o Sol.

O mérito non só é do telescopio, xa que no seu labor exhaustivo de identificación de cometas tamén colaboran máis de 70 astrónomos afeccionados de 18 países que buscan entre as imaxes que envía o satélite e que son de acceso libre para todo o mundo.

Feito por:

Yure Seara Núñez 1ºB

2011, ano dedicado á Química, modificarase a táboa periódica

A IUPAC publicará a súa nova táboa periódica para celebrar o Ano Internacional da Química, designado para 2011 pola ONU. A nova táboa expresará a frecuencia de cada isótopo na natureza. Desde que o ruso Dmitri Mendeléyev crease este catálogo en 1869, dez elementos crave van cambiar a súa masa atómica (ver imaxe). Os dez cambios poden ser o principio dunha longa lista, así unha comisión da IUPAC xa traballa na próxima quenda de elementos que cambiarán as súas masas fixas por intervalos. Son helio, níquel, cobre, cinc, selenio, estroncio, argón e chumbo.
Os novos intervalos da IUPAC engaden unha relatividad á química que sempre existira na natureza, pero non na táboa periódica. Agora, á pregunta cal é a masa dos átomos de hidróxeno que hai nun litro de auga, os estudantes poderán responder "depende". O hidróxeno, por exemplo, ten un rango de entre 1,00784 e 1,00811. O valor único da masa atómica que aparecía na casilla de cada elemento da táboa periódica daba a impresión de que é un valor universal, e non é así. Algúns elementos teñen variantes chamadas isótopos e que teñen máis ou menos neutrones no seu núcleo. Así por exemplo o carbono 12 chámase así porque leva seis neutrones e tantos outros protones, mentres que o carbono 14 leva oito neutrones.

http://www.publico.es/ciencias/354338/la-tabla-periodica-se-complica

Editado por Carmen Cid Manzano

Un home movido por impulsos eléctricos

Parece dunha novela de ciencia-ficción transferir impulsos eléctricos desde un corpo humano a outro? Pois un grupo de xóvenes estudantes, logrouno.

Aínda que as conclusións son algo errantes, o equipo conseguiu tomar lectura dunha electromiografía e transferir estas sinais eléctricas a outro corpo. Sinxelamente enviaron os movementos propios do brazo dun individuo a un segundo individuo: o primeiro move o brazo e o segundo faino de maneira máis ou menos automática.

Desde un par de meses atrás, Alex Dodge, Stepan Boltain e Johnny Lu traballan investigando a tecnoloxía empregada na electromiografia (cas siglas EMG), que é un sistema apto para recoñocer a actividade eléctrica producida polos músculos e que precisan para aclarar esta tese. A pregunta é: De qué se trata? Poder transformar esas sinais eléctricas e transmitilas a outro corpo, conectados entre sí. Os resultados polo momento a pesar de ser poucos son positivos, aínda que agora céntranse en mudar a función de lectura da EMG para facela escrita.

Para máis información clicka aquí

Texto editado por Andrea Fernández Novoa 1ºB

O can mais listo do mundo

Este can chámase Chase, é unha hembra da raza "border collie" que pode recoñecer nin mais nin menos que 1.022 vocábulos.

Tamén é capaz de ordenar os obxectos según a súa función e forma, algo que os humanos aprendemos a facer os tres anos. É o resultado de tres anos de traballo dos psicólogos Alliston Reid e John Pilley, do "Wofford College" de Spartanburg, no sur de California.

O seu plan de traballo consistía en presentarlle os obxectos de forma individual e repetirlle o nome dos obxectos para que reforzara a idea de concepto e realidade. Chaser completou uns 838 test durante tres anos e nunca fallou máis de dous fallos por cada vinte peticións.

O que pon en evidencia este estudio é que os cans teñen habilidades para a compresión, pero no para comunicarse por si mesmos.

Para máis información

Feito por: Manuel Lorenzo Tallón 1ºC

Propósitos para o próximo decenio

Editado por Carmen Cid Manzano